2023 жылдың 1 қаңтарынан бастап әлеуметтік төлемдер мөлшері өспек

Жаңа жылдан бастап елдегі ең төменгі зейнетақы 68 223 теңгеден (2022 жылы) 77 417 теңгеге дейін артады, деп хабарлайды Opennews.kz ақпарат агенттігі.



Еңбек және халықты әлеуметтік қорғау министрлігі биыл қазақстандықтарға 2,7 триллион теңгеден астам сомаға зейнетақы төленгенін хабарлады. Мәліметке сүйенсек, 1 желтоқсандағы жағдай бойынша зейнеткерлер саны — 2 млн 276 мың адам.

Ал зейнетақы төлемдерінің орташа мөлшері (базалық зейнетақы төлемін ескере отырып) 108 960 теңге болды. Енді келер жылдан бастап елдегі зейнетақы мөлшерлемесі тағы өседі. Министрлік "2023-2025 жылдарға арналған республикалық бюджет туралы" Заңға сәйкес жасына және еңбек сіңірген жылдарына байланысты зейнетақы төлемдерінің мөлшері 1 қаңтардан бастап 10,5% — ға артатынын айтуда.

Сондай-ақ, Мемлекет басшысының тапсырмасын іске асыру шеңберінде ынтымақты зейнетақыны есептеу үшін қолданылатын ең жоғары табыс мөлшерін 46-дан 55 АЕК-ке дейін ұлғайту көзделген.

Осылайша, базалық зейнетақы төлемін ескере отырып, зейнетақылардың ең төменгі мөлшері 2023 жылғы 1 қаңтардан бастап 68 223 теңгеден (2022 жылы) 77 417 теңге болады.


1 қаңтардан  бастап айлық есептік көрсеткіш (АЕК)  – 3 450 теңге. Ал 40 567 теңге ең төменгі күнкөріс шегі деп бекітіледі. Сондай-ақ, ең төменгі жалақы 60 000-нан 70 000 теңгеге артады. 


2023 жылы мүгедектік бойынша жәрдемақы мөлшері:

1-топтағылар үшін – 77 889 теңге (1,92 күнкөріс деңгейі);
2-топтағылар үшін – 62 067 теңге (1,53 күнкөріс деңгейі);
3-топтағылар үшін – 42 190 теңге (1,04 күнкөріс деңгейі).


Асыраушысынан айырылғандарға берілетін жәрдемақы мөлшері

• Асырауында бір адам қалған жағдайда  – 34 888 теңге (0,86 күнкөріс деңгейі);
• Екі адам болған жағдайда — 60 445  теңге (1,49 күнкөріс деңгейі);
  
• Үшеу болған жағдайда – 75 049 теңге (1,85 күнкөріс деңгейі);
• Төртеу болған жағдайда – 79 511 теңге (1,96 күнкөріс деңгейі);
  
• Бесеу  болған жағдайда – 82 351 теңге (2,03 күнкөріс деңгейі);
• Алты және одан көп болған жағдайда – 85 596 теңге (2,11 күнкөріс деңгейі).

Егер балалар екі ата-анасынан да айырылса, онда әрқайсысына 47 869 теңге (1,18 күнкөріс деңгейі) мөлшерінде жәрдемақы тағайындалады. 

Жерлеуге арналған біржолғы төлем – 52,4 АЕК немесе 180 780 теңге.


Арнайы мемлекеттік жәрдемақылар: 

• Ұлы Отан соғысының ардагерлеріне – 16 АЕК немесе 55 200 теңге;
• Басқа әскери іс-қимылдарға қатысқан ардагерлерге – 4,8-ден 6,19 АЕК-ке дейін немесе 16 560-тан 21 355 теңгеге дейін;
  
• Ұлы Отан соғысының ардагерлеріне теңестірілген азаматтарға – 6,19 АЕК немесе 21 355 теңге;
• Ұлы Отан соғысының ардагерлеріне мүгедектік бойынша теңестірілген адамдарға – 7,55 АЕК, немесе 26 047 теңге;
  
• Ұлы Отан соғысында көз жұмған (қайтыс болған, хабарсыз кеткен) жауынгерлердің қайта некеге тұрмаған жесірлеріне – 4,48 АЕК, немесе 14 456 теңге;
• Социалистік Еңбек Ерлері, үш дәрежелі «Еңбек Даңқы» ордендерінің иегерлері, «Қазақстанның Еңбек Ері» атағын иеленген азаматтарға – 138,63 АЕК немесе 478 274 теңге;
  
• «Халық қаһармандарына"– 138,63 АЕК, немесе 478 274 теңге;
• Саяси қуғын-сүргін құрбандары мен саяси қуғын-сүргіннен зардап шеккен азаматтарға – 1,07 АЕК, немесе 3 691 теңге;
  
• Қазақстан Республикасына сіңірген еңбегі үшін зейнетақы тағайындалған адамдарға – 1,07 АЕК, немесе 3 691 теңге;