Қазақстанда орташа жалақы мөлшері 143 мың теңгеден асты

14 сәуір 2025, 10:54

2 145

Еңбек және залықты әлеуметтік қорғау министрлігі жыл басынан бері республикалық бюджеттен 1 триллион 44,3 миллиард теңгеге зейнетақы төленгенін мәлімдеді, - деп хабарлайды "Opennews.kz" ақпарат агенттігі.

Оның ішінде базалық зейнетақы төлеуге – 337,6 миллиард теңге, ынтымақты зейнетақы төлеуге – 706,7 миллиард теңге жұмсалған.

2025 жылғы 1 сәуірдегі жағдай бойынша жиынтық зейнетақының орташа мөлшері 143 622 теңгеге тең болды. Оның ішінде ынтымақты зейнетақы мөлшері – 95 963 теңге, базалық зейнетақы – 47 659 теңге болды.

2025 жылғы 1 қаңтарда Ұлттық Банк айқындайтын инфляцияның болжамды деңгейіне сәйкес:

Базалық зейнетақы төлемінің мөлшері – 6,5%;

Ынтымақты зейнетақы – 8,5%-ға, яғни инфляция деңгейінен 2%-ға ұлғайтылды.

“Мемлекет басшысының тапсырмасымен 2023 жылдан бастап бес жыл ішінде ең төмен базалық зейнетақыны ең төмен күнкөріс деңгейінің 70%-на дейін, ең жоғары – 120%-ға дейін жыл сайын кезең-кезеңімен арттыру жүзеге асырылады. 2025 жылғы 1 қаңтардан бастап базалық зейнетақының ең төмен мөлшері ең төмен күнкөріс деңгейінің 65%-нан 70%-ға дейін ұлғайтылды, бұл 32 360 теңге болды. Оның ең жоғары мөлшері ең төмен күнкөріс деңгейінен 105-тен 110%-ға дейін ұлғайып, 50 851 теңге тең болды”, – деп мәлімдеді министрлік.

1 сәуірдегі жағдай бойынша зейнеткерлер саны – 2 миллион 465 мың адам.

Ведомство 2018 жылғы 1 шілдеден бастап мемлекеттік базалық зейнетақы төлемі зейнетақы жүйесіндегі өтілін ескеріліп, әр алушыға жеке тағайындалатынын еске салды.