Алғашқы жарты жылдықта ел экономикасы 4,1% өскен

2026 жылдың бірінші жартыжылдығының қорытындысы бойынша Қазақстанның нақты ЖІӨ өсімі 4,1%-ды құрады,- деп хабарлайды Opennews.kz ақпараттық агенттігі.

 Үкімет отырысында Премьер-министрдің орынбасары – ұлттық экономика министрі Серік Жұманғарин еліміздің жаңа макроэкономикалық көрсеткіштерін ұсынған. Қаңтар-мамыр айларымен салыстырғанда қарқын 0,4 % тармаққа жақсарған. Негізгі серпінді 4%-дан 5,1%-ға дейін көтерілген нақты сектор қамтамасыз еткен. Қызмет көрсету саласы 3,5%-ға өскен. Ең жоғары өсім құрылыс, өңдеу өндірісі, көлік және сауда салаларында тіркелді. Сондай-ақ агроөнеркәсіп кешені мен байланыс саласында да оң серпінсақталған.

Негізгі капиталға салынған инвестициялар 9,5 трлн теңгені құрап, 9,6%-ға өскен. Оның ішінде жеке инвестициялар көлемі 21,4%-ға артып, жалпы құрылымда 87%-ды құраған. Ең жоғары өсім ақпарат және байланыста – 2,3 есе, құрылыста – 38,7%, өңдеу өнеркәсібінде – 33,3%, ауыл шаруашылығында – 24,6% және көлік саласында – 11,6% тіркелген. Сыртқы саудада қаңтар-мамыр айларында тауар айналымы $56,3 млрд-ты құраған. Экспорт $30,4 млрд-қа жеткен, импорт $26 млрд сауда балансының профициті $4,4 млрд-тан асқан.