Алматыдағы крематорий құрылысы жыл соңына дейін аяқталмақ

Алматыдағы крематорийдің құрылысы 2021 жылдың соңына дейін аяқталады- деп хабарлайды Opennews.kz ақпарат агенттігі.

Бұл жайлы брифингте  Алматы қаласының қолайлы қала ортасы басқармасының басшысы Сапар Нұрашев мәлімдеді.

«Бұл нысанды біз крематорий демейміз. 2020 жылы патологиялық бюроны пайдалануға бердік. Ол ЖЭО-2 оңтүстігіне қарай орналасқан. Нысан патологиялық бюроның филиалы болып саналады. Оның функционалдық мақсаты биологиялық және медициналық қалдықтарды жою «, - деді Сапар Нұрашев. Спикердің сөзінше, қазіргі уақытта құрылыс жұмыстары аяқталуға жақын қалды. « Бүгінгі күні нысан ішінде қондырғыларды іске қосу-монтаждау жұмыстары жүріп жатыр. Чехиядан құрал-жабдықтар жетікзілді. Қазір өндіруші компанияның өкілдері келіп, монтаждау жұмыстарын жүргізіп жатыр» - деді Сапар Нұрашев.