Қаз
Рус
Бір жұмыртқа үшін 3 теңге мөлшерінде субсидия беріледі
520
Қазақстандық фермерлер 1 шілдеден бастап, бір жұмыртқа үшін 3 теңге мөлшерінде субсидия алуға өтінім бере алады,- деп хабарлайды Opennews.kz ақпарат агенттігі АШМ сілтеме жасап.
«Жұмыртқа шығаратын құс фабрикалар 1 шілдеден бастап, бір жұмыртқа үшін 3 теңге мөлшерінде субсидия алуға өтінім бере алады. Биыл тағамдық жұмыртқаны субсидиялауға республикалық бюджеттен 6,5 млрд теңге жұмсалды», - делінген хабарламада.
2022 жылғы 1 мамырдағы жағдай бойынша өткен жылдың сәйкес кезеңімен салыстырғанда Қазақстанда құстардың саны 3,7% - 47,1 млн басқа дейін өсті.
Тауық жұмыртқасының өндірісі 12,1% артып, 1559,5 млн дананы құрады.
Ішкі нарықтың тағамдық жұмыртқамен қамтамасыз етілуі 100% құрайды.
