«Болашақ» стипендиясын иеленген талапкерлердің тізімі жарияланды

172 қазақстандық талапкер «Болашақ» халықаралық стипендиясының иегері атанды, - деп хабарлайды "Opennews.kz" ақпарат агенттігі.

Оның ішінде 138 адам магистратурада, 8 адам докторантурада білім алса, 26 қазақстандық әлемнің жетекші жоғары оқу орындары мен өндірістік орталықтарында тағылымдамадан өтеді.

Стипендиаттардың басым көпшілігі жаратылыстану-техникалық бағыттарды таңдаған.

Естеріңізге сала кетейік, биыл «Болашақ» халықаралық стипендиясын тағайындау конкурсына қатысуға өтінім қабылдау төрт лекке бөлінген.

Соңғы лекке 15 қыркүйекке дейін құжат қабылданады.

Ал ғылыми тағылымдама бағдарламасына 13 қазанға дейін құжат тапсыруға болады.

Стипендиаттар тізімін мына сілтемеден көруге болады.