Қазақстанда білім алуға бөлінетін гранттар саны жыл сайын артып келеді

30 желтоқсан 2024, 09:47

2 655

Елімізде жоғары білім беру саласы қарқынды дамуда, - деп хабарлайды "Opennews.kz" ақпарат агенттігі.

2024-2025 оқу жылына мемлекеттік гранттар саны 94,2 мыңнан асып, былтырғыдан 6 мыңға көбейді. Әлеуметтік осал топтар мен этникалық қазақтар үшін гранттарға ерекше назар аударылып, білім алуға қолжетімділік кеңеюде.

Қазақстанда 120 жоғары оқу орны жұмыс істейді, оның ішінде 11 ұлттық ЖОО бар, мемлекеттік ЖОО – 29, азаматтық емес ЖОО – 14, ДББҰ (дербес білім беру ұйымы) – 1, халықаралық – 1, акционерленген – 16 және жекеменшік – 48.

Білім алушылар құрамы 642,5 мыңнан астам адамды құрайды, мемлекеттік тапсырыс бойынша 255,6 мыңнан астам студент оқып жатыр. Түлектер саны 182,6 мың адам, оның ішінде бакалавриатта – 157 мың, магистратурада – 21 мың, докторантурада – 1,8 мыңнан астам және резидентурада – 2,1 мыңнан астам адам оқиды.

«Жалпы профессор-оқытушылар құрамы 37,4 мың адамды құрайды, оның 46,5%-ның ғылыми дәрежесі бар (2023 жылы – 44,5%). Ғылым кандидаттарының саны – 10,5 мың адам (2023 жылы – 10,4 мың), ғылым докторлары – 2,7 мыңнан астам адам (2023 жылы – 2,6 мыңнан астам), PhD докторлары – 4,1 мыңнан астам адам (2023 жылы – 3,7 мыңнан астам). Кадр даярлауға мемлекеттік тапсырыс көлемі жыл санап артып келеді. 2024-2025 оқу жылына 94,2 мыңнан астам грант бөлінді (2023 жылы – 88,2 астам), оның ішінде 78,2 мыңнан астамы бакалавриатқа, 13,1 мыңы магистратураға және 2,9 мыңы докторантураға берілді», - делінген хабарламада.

Жаңадан құрылған және халық тығыз қоныстанған облыстардың, батыс өңірлердің жастарына (Абай, Ұлытау, Жетісу, Түркістан, Маңғыстау, Атырау облыстары және Шымкент қаласы) жыл сайын 5 мың нысаналы білім беру гранты бөлінеді.

«Байқау қорытындысы бойынша 412 жетім бала, 382 мүгедектігі бар жан, көпбалалы отбасындағы 3,5 мың астам бала, толық емес отбасындағы 933 бала, мүгедектігі бар балаларды тәрбиелеп отырған отбасылардағы 437 бала оқу грантын иеленді. Биыл қабылдау рәсімін өзгерту нәтижесінде 1,6 мыңнан астам этникалық қазақтар білім гранттарын алды (2023 жылы – 804)», - делінген хабарламада.