ҰҚК мемлекеттік кәсіпорын басшысын қылмыс үстінде ұстады

Батыс Қазақстан облысы бойынша ҰҚКД қызметкерлері бес миллион теңге көлемінде пара алу кезінде "Охотзоопром" ӨБ" РМҚК Батыс өңірлік филиалының басшысы Арман Қожахметовты қылмыс үстінде ұстады, - деп хабарлайды Opennews.kz ақпарат агенттігі.

Мәліметтерге сүйенсек, ол кәсіпкерден Батыс Қазақстан облысында ақбөкендерді аулауға рұқсат бергені үшін ақшалай сыйақы талап еткен.

Құқық қорғаушы 48 жастағы Арман Қожахметовтің 2020 жылдан бастап Экология және табиғи ресурстар министрлігі Орман шаруашылығы және жануарлар дүниесі комитетінің "Охотзоопром" ӨБ" РМҚК Батыс өңірлік филиалының басшысы болып жұмыс істейтінін атап өтті.