Қызылордада жазаны өтеу тәртібін қаскөйлікпен бұзған сотталғанға қатысты сотқа ұсыным жолданды
Қызылордада жазаны өтеу тәртібін қаскөйлікпен бұзған сотталған адамға қатысты сотқа ұсыным жолданды, - деп хабарлайды "Opennews.kz" ақпарат агенттігі.
Пробация қызметінде есепте тұрған адамдардың жаңа құқық бұзушылықтар жасауының алдын алу бойынша полиция бөліністерінің және пробация қызметтерінің өзара іс-қимылының тиімділігін арттыру мақсатында 2023 жылғы 21-28 тамызы аралығында облыс аумағында «Шартты түрде» жедел-профилактикалық іс-шарасы (әрі қарай – ЖПІШ) өткізілуде.
Аталған ЖПІШ кезінде Байқоңыр қалалық пробация қызметінің есебінде тұрған Шымкент қаласы Еңбекші аудандық сотының 02.03.2022 жылғы үкімімен Қазақстан Республикасы ҚК-нің 188-бабы 4-бөлігінің 3) тармағы (ұрлық) бойынша 2 (екі) жыл 5 (бес) ай 26 (жиырма алты) күн мерзімге бас бостандығын шектеу жазасына сотталған Б. есімді азамат жаза өтеу тәртібін қаскөйлікпен бұзуға жол бергені үшін 25.08.2023 жылы Қызылорда облысы Байқоңыр қалалық сотына бас бостандығын шектеуді бас бостандығынан айырумен ауыстыру туралы ұсыным жолданды.
Яғни, Б. есімді сотталған есепке алынғаннан кейін оған бірнеше рет жазбаша ескерту жарияланғанына қарамастан қоғамдық тәртіпке және имандылыққа қол сұғатын 4 әкімшілік құқық бұзушылықтар жасауға жол берген.
Қазақстан Республикасы ҚАК-нің талаптары бойынша бас бостандығын шектеу түріндегі жазаға сотталған адамның қоғамдық тәртіпке және имандылыққа қол сұғатын әкімшілік құқық бұзушылықтар жасауға жол бергені үшін әкімшілік жауапкешілікке тартылуы – бас бостандығын шектеу түріндегі жазаны өтеуді қаскөйлікпен бұзушылықтар болып табылады.
Қазіргі кезде аталған ұсыным іс-құжаттары Қызылорда облысы Байқоңыр қалалық сотының өндірісінде.
