Қызылорда қаласының аумағы ұлғайды
1 612
Өткен жылы Қызылорда қаласының сәулеттік келбетін жақсарту бағытында 40-қа жуық эскиздік жоба әзірленген,- деп хабарлайды Оpennews.kz ақпарат агенттігі.
Қалалық сәулет және қала құрылысы бөлімінен мәлімдегендей, оның ішінде аллеялар мен қоғамдық кеңістіктерді абаттандыру, көпқабатты үйлердің қасбеттерін жаңарту, Сырдария өзенінің жағалау аумағын дамыту, әлеуметтік нысандар мен инфрақұрылым объектілерін әрлеу жобалары бар.
Қаланың жаңа бас жоспарын әзірлеу жұмысы жалғасып жатыр. Қала аумағы 172 гектарға ұлғайып, жалпы шекарасы 20 700 гектар болып белгіленген. Жобаның қорытынды кезеңі мемлекеттік сараптама талаптарына байланысты. Биыл бас жоспар мен елді мекендерді дамыту схемаларын бекіту жоспарланған, — делінген хабарламада.
Бөлім қызметкерлері өткен жылы заңсыз құрылыс объектілеріне мониторинг жүргізу нәтижесінде рұқсат құжаттарынсыз салынған 298 кәсіпкерлік нысанын анықтап, заң талабына сәйкес шаралар қабылдаған. Нысан иелеріне 44,1 млн теңге көлеміндегі айыппұл салынған.
