ЖАЛАҒАШ АУДАН ӘКІМІ ТҰРҒЫНДАРДЫ ЖЕКЕ МӘСЕЛЕЛЕРІ БОЙЫНША ҚАБЫЛДАДЫ

20 сәуір 2026, 10:15

1 506

Аудан әкімі Ардақ Ибраимов кезектілік тәртібімен жазылған аудан тұрғындары үшін жеке қабылдау өткізді. Бұл қабылдау азаматтардың өзекті мәселелерін тікелей жеткізуіне мүмкіндік беретін ашық форматта ұйымдастырылып, тұрғындар мен жергілікті атқарушы билік арасындағы кері байланысты нығайтуға бағытталды.

Қабылдауға келген аудан тұрғындары өздерін толғандырған түрлі ұсыныс-пікірлері мен өтініштерін ортаға салып, әлеуметтік, тұрмыстық және инфрақұрылымдық мәселелер бойынша сұрақтарын жеткізді. Аудан әкімі әрбір азаматтың өтінішін мұқият тыңдап, көтерілген мәселелер бойынша нақты түсініктемелер берді.

Кездесу барысында Ардақ Ибраимов тұрғындармен ашық әңгіме жүргізіп, олардың сұрақтарына заң аясында жан-жақты жауап берді. Сондай-ақ, кейбір мәселелер бойынша сала басшыларына нақты тапсырмалар жүктеліп, олардың орындалу мерзімі мен сапасына қатысты қатаң бақылау болатыны ескертілді.

Қабылдау кезінде көтерілген мәселелердің бір бөлігі әлеуметтік қолдау, тұрғын үй, жер қатынастары, инфрақұрылым және коммуналдық қызметтер саласына қатысты болды. Әрбір өтініш жеке қаралып, тиісті мекемелерге зерделеу және шешу үшін бағытталды.

Аудан басшысы тұрғындардың өтініштерін қарау – жергілікті биліктің басты міндеттерінің бірі екенін атап өтіп, ашықтық пен қолжетімділік қағидаты алдағы уақытта да жалғасатынын жеткізді. Ол әрбір мәселе назардан тыс қалмайтынын, заң шеңберінде шешім қабылданатынын айтты.

Айта кету керек, тұрғындар аудан әкімінің жеке қабылдауына алдын ала жазылу арқылы қатыса алады. Қабылдауға жазылу бірнеше тәсілмен жүзеге асырылады: eGov mobile порталы, e-Otinish бірыңғай базасы арқылы немесе әкімдікке тікелей келіп, жазбаша өтініш беру арқылы жүзеге асырылады.

Мұндай қабылдаулар тұрғындардың мәселелерін жедел қарауға, ашық диалог орнатуға және мемлекеттік басқарудың тиімділігін арттыруға ықпал етеді. Алдағы уақытта да аудан әкімі тұрғындармен тұрақты түрде кездесіп, олардың өтініштерін қарау жұмысын жүйелі түрде жалғастыра бермек.