Қызылордада тұқым өңдеу зауыты салынады
1 513
Қызылорда облысында құны 51 млрд теңге болатын жүгері мен сояны қайта өңдеу жобасы іске асырылып жатыр,- деп хабарлайды Оpennews.kz ақпарат агенттігі.
Жобаның бірінші кезеңін іске қосу 2026 жылға белгіленген. Осы кезең аясында 8,5 мың гектар суармалы жер айналымға енгізіліп, тұқым өңдеу зауыты салынады.
"Екінші кезеңде егіс алқаптарының көлемін екі есеге ұлғайтып, ауыл шаруашылығы өнімдерін қайта өңдеу қуаттылығын жылына 60 мың тоннаға дейін жеткізу көзделіп отыр", - деп жазылған хабарламада.
Болашақта жыл сайын 70 мың тонна жүгері және 20 мың тонна соя өңделеді деп жоспарланып отыр. Жобаны швейцариялық Harvest Agro компаниясы қолға алған.
Қазіргі таңда 6 мың гектар жердің жоспарлау жұмыстары аяқталған, тағы 8,5 мың гектар аумақта жерді тегістеу жұмыстары басталған. Өндірістік жұмыстарға 110 бірлік арнайы техника тартылған, 15 жаңбырлатып суару жүйесі орнатылып жатыр.
