ҚЫЗЫЛОРДАДА ЖАНТҮРШІГЕРЛІК ОҚИҒА ОРЫН АЛДЫ

 Қызылорда қаласындағы «Арай» демалыс саябағында жантүршігерлік оқиға болғаны туралы ақпарат тарады. Мәліметке сәйкес, кеше аттракциондардың бірінде баланың аяғын атракцион машинасы шайнап кеткен, – деп хабарлайды Opennews.kz ақпараттық агенттігі. 

 Куәгерлердің айтуынша, баланың бір аяғы оқиға орнында үзіліп қалған. Ал екінші аяғы ауыр жарақат салдарынан салбырап қалғандықтан кесіп тастаған. Сондай-ақ баланың көп мөлшерде қан жоғалтқаны хабарланды.

 Осыған байланысты желі қолданушылары тұрғындарды шұғыл түрде қан тапсыруға шақырып жатыр. Олардың мәліметінше, қазіргі уақытта кез келген қан тобы қажет.

 Әзірге аталған оқиғаға қатысты құзырлы органдар тарапынан ресми ақпарат жарияланған жоқ. Оқиғаның мән-жайы анықталуда.