Аттракционда жарақат алған қызылордалықтың жағдайы ауыр
1 522
Қызылорда қаласындағы саябақтардың бірінде аяғы аттракционға қысылып қалған 18 жастағы бозбаланың жағдайы белгілі болды,- деп хабарлайды Оpennews.kz ақпарат агенттігі.
Облыстық көпбейінді аурухананың мәліметінше, пациент қос аяғынан айырылған.
Ота жасалды. Сол жақ санының үштен бір бөлігіне және сол аяғының тобық бөлігіне ампуатация жасалды. Ауыр жарақат алған ол жансақтау бөлімінде қарқынды ем қабылдап жатыр, - деді аурухананың бас дәрігері Жасұлан Баймаханов.
Дәрігерлер емделушінің денсаулық жағдайы өте ауыр екенін айтып отыр.
