Қызылордада кезекші ХҚКО-ның мекенжайы өзгерді

2026 жылғы 1 тамыздан бастап Қызылорда қаласындағы кезекші Халыққа қызмет көрсету орталығының (ХҚКО) мекенжайы өзгереді,- деп хабарлайды Оpennews.kz ақпарат агенттігі.

Енді қала тұрғындары жаңа мекенжай – Ғ. Мұратбаев көшесі, 2Е бойынша қабылданады.

Бұған дейін кезекші ХҚКО Астана даңғылы, 46 мекенжайында орналасқан болатын. Көшу азаматтарға қызмет көрсетуді жаңа ғимаратта ұйымдастыру мақсатында жүзеге асырылуда. Ал Астана даңғылы, 46 мекенжайындағы цифрлық ХҚКО бұрынғы жұмыс тәртібімен – 09:00-ден 18:00-ге дейін жұмысын жалғастырады.

Кезекші ХҚКО-ның жұмыс кестесі өзгеріссіз қалады. Жұмыс күндері орталық 09:00-ден 20:00-ге дейін жұмыс істейді, бұл азаматтарға мемлекеттік қызметтерді жұмыс күнінің соңында да алуға мүмкіндік береді. Сенбі күні қабылдау 09:00-ден 13:00-ге дейін жүргізіледі.

Қызылорда тұрғындарына уақытты тиімді жоспарлау үшін кезекші ХҚКО-ның жаңа мекенжайын ескеріп, бару бағытын алдын ала жоспарлау ұсынылады.

Өзгеріс тек кезекші ХҚКО-ның мекенжайына қатысты. Жұмыс кестесі мен мемлекеттік қызмет көрсету тәртібі бұрынғыдай сақталады.