Жамбылдық полицейлер адам ұрлығы қылмысын ашты
293
Жамбыл облысының полиция қызметкерлері адам ұрлады деп күдіктелгендерді ұстады.Құзырлы органның басшысы Жанат Сүлейменовтің мәліметінше, полицияға Тараз қаласының тұрғыны хабарласып, 46 жастағы жақын туысының кенеттен жоғалып кеткені туралы хабарлаған.
Аталған дерек бойынша Қылмыстық кодекстің 125-бабымен (Адам ұрлау) шұғыл түрде сотқа дейінгі тергеу амалдары басталған және полиция департаментінің жедел-тергеу тобы құрылған.
Полиция қызметкерлерімен жүргізілген кәсіби жедел-іздестіру іс-шараларының нәтижесінде екі күдікті анықталып, ұсталған.
Ал жәбірленушіні полицейлер Жамбыл ауданындағы ауылдардың бірінен тапқан. Полиция генерал-майоры Жанат Сүлейменов аталған қылмыстық істің тергеп-тексеру барысы ерекше бақылауында екенін атап өтті.
