Мөлдір Әуелбекова үшінші рет тұрмысқа шықпақ
Әнші әрі актриса Мөлдір Әуелбекованың үшінші рет тұрмысқа шығатыны белгілі болды, - деп хабарлайды "Opennews.kz" ақпарат агенттігі.
Өнер иесі әлеуметтік желіде оқырман сауалдарына жауап берді. Желі қолданушыларына эстрада жұлдыздарының жеке өмірі әр кез қызық.
“Сіз сондай әдемісіз. Тұрмысқа шыққыңыз келе ме?” деген сұраққа әнші: “Рахмет! Тұрмысқа шығамын. Әуелі жақсы адамым жолықсын. Сосын сәукелемді киіп, ұзатыламын, бұйырса”, – деп жауап берді.
Айта кетейік, әнші 2015 жылы Арыстан атты кәсіпкерге тұрмысқа шыққан. Бірақ екі жас бір жарым жылдан соң ажырасқан. Сол кезде Әуелбекова телеарнаға сұхбат беріп, ажырасқалы бері күйеуі ұлын іздемейтінін айтып, жылап жіберген болатын.
Ал 2020 жылы ол екінші рет тұрмысқа шықты. Бұл қуанышты жаңалықты да өнер иесі жеке парақшасында хабарлаған болатын. Алайда екінші күйеуінің де отбасына қиянат жасағанын айтып, 2021 жылы ажырасып кеткенін жария етті. Сол жылдың маусым айында қыз баланы дүниеге әкелді. Бүгінде әнші бір ұл, бір қыз тәрбиелеп отыр.
