Бағлан Әбдірайымов мүмкіндігі шектеулі азаматқа көлігін сыйлады
2 552
Танымал әнші Бағлан Әбдірайымов темір тұлпарын көпбалалы, екі аяғынан айырылған азаматқа тарту етті, - деп хабарлайды "Opennews.kz" ақпарат агенттігі.
Бұған дейін Әбдірайымов Instagram желісіндегі парақшасында көлігін біреуге тарту ететінін айтқан болатын.
«Өздеріңіз жақсы білетін, үш жылдан бері қызмет еткен көлігімді біреуге себепсізден-себепсіз, бір жігітке тарту етемін деген шешімге келдім. Мұны сатып, өз қажетіме жаратсам да болатын еді. Бірақ біреуге себепсіз сыйлағым келіп отыр», – деген болатын әнші.
Осы видеосынан кейін әнші көлігін екі аяғынан айырылған азаматқа тарту еткенін көрсетті. Әншінің айтуынша, Нұржан – көпбалалы әке.
«Екі жыл бұрын өкшесінен жарақат алып басталған дерт, қазіргі таңда Нұржанды осы күйге түсірген. «Сынақ сындыру үшін емес, ширату үшін келеді» дейміз. Десек те, қиын-ақ. Кішкентай төрт баласы мен жұбайы бұл сынаққа қалай төтеп беріп жүргені бір Аллаға аян. Жұбайына мың алғыс! Осы отбасыға лайықты деп ойлаймыз. Береке берсін», – деп жазды Бағлан Әбдірайымов.
