Тұрар Ыдырысты продюсері сотқа берген
2 516
Танымал әнші Тұрар Ыдырыс Динара Сәтжанға берген сұхбатында продюсермен не себепті жұмыс істей алмағанын айтты. Өнер иесінің экс-продюсері келісімшартты орындамағаны үшін оны сотқа берген, - деп хабарлайды "Opennews.kz" ақпарат агенттігі.
Алайда продюсері әншіні сотқа бергенімен, кейін олар бұл мәселені өзара шешкен. Сондай-ақ Тұрар Ыдырыс продюсерден кеткеннен кейін, оған алғыс ретінде Porsche Panamera көлігін сыйлаған.
«3 жылдай продюсермен жұмыс істедім. Кететін кезде екеуміз келіса алмай қалдық. Сол сәтте дұрыс кету керек еді. Менің де балалығым болды. Бізде бес жылға келісімшарт болды. Мен үш жылдан кейін кетем дегенде ол кісі сотқа берді. Бірақ кейін бәрі шешілді. Мен бұрынғы продюсеріме Porsche Panamera сыйладым. Бірінші сөйлестік. Негізі мүмкіндік болғанда мен оны бірден беретін едім. Мен продюсерден кеткен соң ақшам болған жоқ. Бір жылдай жұмыс істеп, бірінші табысыма алған дүние. Ол кісінің маған еңбегі сіңді. Сол үшін осылай қымбат сый беріп кеткенім дұрыс болады деп шештім. Бұл менің рақметім ретінде берілген сыйлық», - деді өнер иесі.
