50 блогер 2,5 миллиард теңге табыс тапқанын растап, салық төлеген
2 737
Қазақстанда блогерлерге табысын декларациялауға қосымша уақыт берілді, - деп хабарлайды "Opennews.kz" ақпарат агенттігі.
Бұл туралы қарды вице-министрі Ержан Біржанов айтты.
"Бүгінде 50-ден аса блогер 2,5 миллиард теңге табысын көрсетті. Олар бойынша салық төленді. Қалғандарына қосымша 30 күн уақыт берілді. Наурыздың соңына дейін тексеріп, ақпарат ұсынамыз", – деді вице-министр.
Айта кетсек, бұған дейін мемлекеттік кірістер комитеті блогерлер 53,3 миллиард теңге табысын жасырып қалғанын айтып, оларға ескерту жолдағанын мәлімдеген еді. Блогерлер 2022-2023 жылдардағы табысы үшін салық төлемегені жайлы хабарлама алған. Блогерлердің сөзіне сенсек, тізімге 8 мыңға жуық адам қосылған. Ал көрсетілген сома бірнеше миллионнан миллиард теңгеге дейін жетеді.
