Димаш Құдайберген 40 градус дене қызуына қарамастан концерт өткізген
2 558
Димаш Құдайберген денсаулығының нашарлауына қарамастан концертін өткізді, - деп хабарлайды "Opennews.kz" ақпарат агенттігі.
Айтбаевтың айтуынша, Димаш концерт өтетін күні өзін жайсыз сезініп, дене қызуы 40 градусқа дейін көтерілген. Соған қарамастан ол тыңдармандарын ренжітпеу үшін сахнаға шыққан.
«Концерт болатын күні жағдайы күрт нашарлап кетті. Дене қызуы 40 градус болды. Концертті тоқтату мүмкін болмады — бәрі дайын еді. Сол күні сахна артында жедел жәрдем қызметкерлері кезекшілікте тұрды, жиі-жиі ине салып отырды. Біз қатты уайымдадық. Бірақ Димаш бұл концертті ең алдымен тыңдармандарына деген шексіз сүйіспеншілігінің арқасында өткізді. Мұндай жағдайда өнер көрсету өте қиын, бірақ ол оны жасай алды», – деді Қанат Айтбаев.
