«Құрманғазы по черному жүрген»: Ахметбек Нұрсила Қайрат Әділгерейді сотқа бермек
2 513
Желіде танымал актер әрі әзілкеш Қайрат Әділгерейдің әйгілі күйші Құрманғазы Сағырбайұлы туралы айтқан пікірі көпшіліктің наразылығын тудырған,- деп хабарлайды Оpennews.kz ақпарат агенттігі.
Қайрат Әділгерей өз сөзінде Құрманғазының өміріне қатысты даулы пікір білдірген.
Құрманғазы туралы айтар болсақ, ол тіпті «разбойник» болған, былай айтқанда «по-черному» жүрген. Исатай досы екеуі байлардан тартып алып, кедейлерге берген. Ал хоббиі – күй тарту болған. Бірақ осындай дүниелердің бәрін біз зерделеп, аша алмай жатырмыз. Киноларымызда да дәріптелмей келеді, – деді ол.
Бұл пікір қоғамда үлкен сынға ұшыраған. Кәсіпкер Ахметбек Нұрсила әзілкештің сөзіне қатысты қатаң реакция білдірген.
Шегірткелер құтырған заман болды. Осындай кем ақылдарға не айтуға болады? Ең үлкен қасірет – олардың әлеуметтік желіде сайрап отырғанында емес. Ең үлкен қасірет – бұларды үлкен сахнаға шығарады, киноға түсіреді, той басқаруға шақырады. Қасірет осында. Асуға ат шықпайтын арба шықты. Осы азаматты сотқа беру керек деп ойлайсыздар ма? – деді ол.
Желі қолданушылары да бұл пікірге қатысты екіұшты көзқарас білдіріп, тарихи тұлғаларға құрметпен қарау керектігін жазып жатыр.
