Роза Рымбаева жас әнші Баянсұлуға сахналық көйлегін сыйлады
Роза Рымбаеваның «Сахнада 50 жыл» атты гастрольдік туры Астана қаласында қорытындыланды,- деп хабарлайды Opennews.kz ақпараттық агенттігі Sn.kz сайтына сілтеме жасап.
Мерейтойлық кеште халық әртісі жас әнші Баянсұлумен бірге сахнаға шығып, оған ерекше сый жасады. Жас өнер иесі әлеуметтік желідегі парақшасында концерттен кадрлар жариялап, Роза Рымбаеваның өз сахналық көйлегін сыйға тартқанын көрсетті. Баянсұлу бұл кештің өзі үшін ерекше маңызға ие болғанын айтып, бала күнгі естелігімен бөлісті.
“Бала күнімде ата-әжем мен ата-анам теледидардан Роза Рымбаеваны көріп, менің де сондай мықты әнші болғанымды армандайтын. Бүгін сол кісімен бір сахнада ән айту бұйырыпты. Бұл -мен үшін тарихи күн”,- деп жазды әнші.
