1 млрд! Ернар Айдар концертінен түскен ақшаны сәбидің еміне берді
500
Танымал әнші Ернар Айдар Тараздағы концертінен түскен қаржыны 1,5 жастағы баланың еміне берді,- деп хабарлайды Opennews.kz ақпарат агенттігі Экспресс К сайтына сілтеме жасап.
Кішкентай Айсезім жұлын бұлшық еттерінің атрофиясына шалдыққан. Сәби сауығып кетуі үшін
Zolgensma деген укол қажет екен. Әлемдегі ең қымбат укол 1 миллиард теңге тұрады.
Ауыр науқасқа шалдыққан Айсезім Тараз қаласында тұрады. Танымал әнші бүлдіршін туралы әлеуметтік желі арқылы естіпті. Ол сол кезде барынша көмектесетінін айтып, ата-анасына сөз берген екен.
Тараздағы концертінен соң Ернар науқас бүлдіршіннің үйіне барып, оның ата-анасына билеттен түскен қаржыны табыс етті. Ол бұл туралы өзінің Instagram-дағы парақшасына жариялады.
Жаным Айсезім сен жазылып кетесің, Алла қаласа! Еміне ауқымды қаражат кететін болғандықтан, әлі де ақша жиналып жатыр,— деп жазды Ернар Айдар.
