Иманбектің трегі ТМД-да алғаш болып миллиард рет тыңдалды
371
Қазақстандық диджей Иманбек Зейкенов ТМД-да алғаш болып Spotify жүлдесін иеленді. Компания Roses ремиксі 1 миллиард рет тыңдалғандықтан оны марапаттады,- деп хабарлайды Opennews.kz ақпарат агенттігі платформаның баспасөз қызметіне сілтеме жасап.
Ал қазіргі уақытта оның туындысы 1,5 миллиард рет тыңдалып үлгерген. Иманбек америкалық рэпер SAINt JHN-ның Roses туындысына ремикс жазған болатын. Дәл осы еңбегі үшін ол халықаралық “Грэмми” сыйлығын алды.
"Менің шығармашылығым бүкіл әлемнен жанкүйер тапқанына қуаныштымын. Өзге әлемдік жұлдыздармен бірге Spotify-дың байқағаны одан да қуантты", - деді Иманбек өзінің жүлдесі жайлы.
Бұл жүлдеге Билли Айлиш, Трэвис Скотт, Adele сынды әлемдік жұлдыздар ие болған.
