Алаяқтар Құралай Анарбекованың атынан 900 мың теңге сұраған
346
Желіде танымал адамның атын жамылып, елден ақша сұрайтын алаяқтар көбейген,- деп хабарлайды Opennews.kz ақпарат агенттігі Stan.kz сайтына сілтеме жасап.
"Сұмдық жағдай. Біреу менің фотомды пайдаланып, таныстарым мен достарыма хат жазып, қарызға ақша сұрауда. Бұлар – алаяқтар. Өтініш, алданып қалмаңыздаршы. Құқық қорғау органдарына жүгінуге ниеттімін. Бірақ дәл қазір барлығына ескертуім керек. Мен ешкімнен ақша сұрап жүрген жоқпын. Алаяқтардың өтінішін бұғаттаңыздар", – деп ескертті актриса желідегі парақшасында.
Оқырмандар алаяқтықтың бұл түрі кеңінен таралғанын атап өтті. Олардың арасында алданып үлгергендер де бар.
"Сізге де жетіпті ғой", "Менде дәл осындай жағдай болған, мен ақша жібердім", "Алаяқтар бәрін табады", "Сол баяғы схема, тіпті номерлері де ұқсас", "Қандай үлкен сомма, ешкім жіберіп үлгермеді деп үміттенемін", - деп жазды желі қолданушылары
