Орамалымды ешқашан шешпеймін– Мөлдір Әуелбекова

Отандық әнші Мөлдір Әуелбекова «Қазақконцерт» мемлекеттік ұйымының басшылығынан таққан орамалы үшін қысым көргенін айтты, - деп хабарлайды Opennews.kz ақпарат агенттігі.

Тыңдармандарымен бір сәт сырласқысы келген әнші әлеуметтік желі қолданушыларының сұрағына жауап берді. Өнер иесінен тыңдарманы «Қазақконцерттен кетіп қалдыңыз ба? Қызметіңіз не болды?» деп сұраған.
«Басшылық: «Орамалыңды шеш немесе жұмыстан кет», – деді. Бірақ мен кетпедім де, шешпедім де. Қазір ресми декреттік демалыстамын. Бұйырса, шығамын әлі», – деп жауап берді ол.

Онымен қоймай, әнші орамалды өмірінің соңына дейін тағатынын жеткізді.

«Бұл өмірде мәңгі ешкім өмір сүрмеген, сүрмейді де. Орамалым, бұйырса, ақыреттік», – деді ол.