"Үкіметтегілердің жұмысынан кейін бірде-бір тауар арзандаған емес" - депутат

Мәжіліс депутаты Аманжан Жамалов қымбатшылыққа байланысты тағы да Үкіметті сынады, - деп хабарлайды Opennews.kz ақпарат агенттігі.

«Баяғы жартас сол жартас деген сөз бар. Бәлкім, осы мақалды негізге алды ма, әйтейір Үкімет осыдан кейін Сауда комитетінің төрағасы мен жекелеген өңірлердің әкімдерінің орынбасарларын жазалаумен шектеліп отыр. Ал азық-түлік бағасы арзандайтын емес. Осыдан барып ешкімнің қарны тойған жоқ. Бірде-бір тауар арзандаған емес. Ал азық-түлік инфляциясы кейінші 10 айда 23%-дан асып кетті. Бұлай кете берсек, әйелдерге құшақ-құшақ гүлдің орнына укроп сыйлайтын шығармыз», - дейді Жамалов.

Оның айтуынша, Ұлттық банк пен Үкімет бағаны ұстап тұрудың әсері аз екі құралын: базалық мөлшерлеме мен «айналым схемасын» үнемі пайдаланады.

«Ұлттық банк базалық мөлшерлемені 16 пайызға дейін көтерді. Базалық мөлшерлеменің жоғарылауы несие бойынша пайыздық мөлшерлеменің автоматты түрде көтерілетінін және олардың бизнес үшін одан да қолжетімсіз болатынын білдіреді. Соның салдарынан бюджетке қымбат несиелер жүктеледі. Осылайша, 2023 жылы мемлекеттік қарызға қызмет көрсетуге Қазақстанның бүкіл тарихындағы рекордтық 1,8 триллион теңге жұмсау жоспарланған. Ал банктер өздерінің көп триллион долларлық өтімділігін Ұлттық банктің ноталарына ыңғайлы орналастырып, жылдық 16% пайда табады», - дейді депутат.

Депутаттың сөзіне қарағанда, бір сөзбен «байлар байи береді, ал кедейлердің жағдайы одан ары қиындайды».

«Айналым схемасы» бойынша қазірдің өзінде 86,1 млрд теңге игерілді, тағы 14,9 млрд теңге бөлу жоспарлануда. Естеріңізге сала кетейін, мемлекет басшысы дәл осы жылдың шілде айында «айналым схемасының» тиімділігіне күмән келтірген болатын. Мен дәйексөз келтіремін: «Бөлшек желілеріне емес, тікелей өндірушілерге несие беру қисынды болар еді». Бірақ схема ештеңе болмағандай жұмысын жалғастыруда. Біз ешқандай жаңа шешімдерді көрмейміз. Ал президенттің тапсырмасы іс жүзінде орындалмай жатыр», - дейді Аманжан Жамалов.

Депутат ойлы ақшалы-несиелік саясат керек деп есептейі. Екіншіден, ол импорт тауарларының саясатын қайта қарау керектігін мәлім етті.