"Рахат" кондитерлік фабрикасы қолынан айырылған қызметкеріне 30 млн теңге өтемақы төлейтін болды
246
Алматыдағы Рахат фабрикасы өндіріс орнында оң қолынан айырылған қызметкерінің емдомына 30 млн теңге өтемақы төлейтін болды, деп хабарлайды Opennews.kz ақпарат агенттігі. Заңгер Анна Димитриевич Instagram желісіндегі парақшасында "Рахат" кондитерлік фабрикасының зардап шеккен қызметкеріне қатысты даудың соңы немен аяқталғанын жазды.
Адвокат бұл дау ауызбіршілікпен шешілгенін атап өтті. Олар сотқа жүгінбеген көрінеді.
Әйел протез және емделу үшін 30 миллион теңге өтемақы алды. Зауыт болашақта екі ұлының еліміздің кез келген университетіндегі оқу ақысын төлеп береді. Сонымен қатар протездеуден кейін ол зауытта жұмыс істей алады, – деп жазды Димитриевич.
