Алматыда жартылай жалаңаштанған азамат жанармай құю бекетінде ерсі әрекетке барды

Әлеуметтік желіде жартылай жалаңаштанған ер адамның жанармай құю бекетінінің шатырына шығып, ерсі әрекетке барғаны бейнеленген видео тарады. Кадрдан "бұзақының" компанияның логотипін жыртып жатқанын байқай қиын емес.

Желі оқырмандарының сөзінше, көптің талқысына түскен оқиға Шаляпин мен Бауыржан Момышұлы көшелерінің қиылысында болған. 

Кадрда ер адамның жанармай құю бекетінің шатырына шығып, компания логотипін жыртып, оларды айналасындағыларға лақтырғаны анық көрінеді. 

Сонымен қатар, төменнен полиция қызметкерлерін де байқау қиын емес. 
Әзірге құқық қорғау саласының мамандары оқиғаға түсініктеме берген жоқ.