АРДАГЕРЛЕРГЕ АЭС САЛУДЫҢ МАҢЫЗДЫЛЫҒЫ ТҮСІНДІРІЛДІ

28 қыркүйек 2024, 17:09

2 132

Сырдария ауданындағы АЭС салуды қолдау жөніндегі халықтық штаб мүшесі аудандағы Ауған соғысы және Чернобыль, Семей полигондарындағы апат салдарын жоюға қатысушылармен кездесу өткізді, - деп хабарлайды "Opennews.kz" ақпарат агенттігі.

Шараға аудандық халықтық штаб мүшесі А.Ибрагимұлы қатысты

Келелі кездесу барысында аудандық штаб мүшесі Ақтөре Ибрагимұлы Мемлекет басшысының «Әділетті Қазақстан: заң мен тәртіп, экономикалық өсім, қоғамдық оптимизм» атты халыққа Жолдауындағы еліміздің әлеуметтік-экономикалық дамуына бағытталған маңызды міндеттерді атап өтті. Соның ішінде халықпен алдын ала талқылаудан өткен Қазақстанда АЭС салу мәселесіне қатысты жалпыұлттық референдум өткізу мәселесіне ерекше тоқталды.

«Қазіргі таңда элeктp қуaтының тaпшылығын көpшілeс eлдepдeн кeлeтін элeктp aғындapымeн жaуып oтыpмыз. Элeктp энepгиясын тұтыну жыл сaйын өсіп, зaмaн тaлaбынa сaй eлдің қaжeттілігі apтып жaтыp. Сoндықтaн eліміздің энepгeтикa жүйeсінің тұpaқтылығын қaмтaмaсыз eтeтін біpдeн-біp қaуіпсіз, сeнімді, экoлoгиялық тaзa AЭС жoбaсы бoлмaқ», – дeді штaб мүшесі.

Шара барысында ардагерлер сөз алып, АЭС тұрғындар өмірі үшін қауіпсіз және болашақ ұрпақтың кәдесіне жарап, өзге елдердің энергия көздеріне тәуелділіктен арылтса болды деген пікірлерін білдірді.

6 қазан күні еліміз бойынша республикалық референдум өткізіледі. Маңызды саяси науқанда Қызылорда өңірінің 492381 азамат дауыс беруге құқылы. Жауапты кезенде аймақта 380 учаскелік комиссия құрылып, 2652 комиссия мүшесі қызметке тартылды.

Референдумды ашық әрі заң талабына сай өткізу УРК тікелей міндеті. Комиссия құрамына енген әрбір азаматтың білім деңгейін жетілдіру және әдістемелік көмек көрсету мақсатында Қызылорда облысының өңірлік оқу орталығы және Қызылорда облысының аумақтық референдум комиссиясының ұйымдастыруымен учаскелік комииссия мүшелері үшін оқыту өткізілді.

Салалық тақырыптарға мамандаған кәсіби лекторлар референдум өткізудегі құқықтық және құжаттамалық мәселелер, дауыс беруші азаматтардың тізімімен жұмыс жүргізу, байқаушылар, БАҚ өкілдерімен жұмыс жүргізудің тиімді шарттары тақырыбында ой бөлісті.

Басқосуларда Қызылорда қаласындағы және аудандардағы құқық қорғау саласының өкілдері референдум кезінде құқық бұзушылықты болдырмау, дауыс беру учаскелерінде тәртіп ережелерін сақтау мәселелері бойынша негізгі ережелерді түсіндірді.

Оқу семинарында лекторлар комиссия мүшелерін рөлдік ойындарға бөліп, ситуациялық жағдайларға негізделген практикалық кейстерді талқылады.

Қызылорда қаласындағы 3 күндік оқытуға 683 комиссия мүшесі тартылды. Әрі қарай лекторлар семинарды көшпелі форматта барлық аудандарында жалғастырды. Мұнда 1065 комиссия мүшесі оқытылды.

Оқытуға төраға, төраға орынбасары, хатшы және жаңадан қосылған комиссия хатшылары шақырылды. Арнайы оқытудан өткен комиссия мүшелері каскад әдісімен өзге де мүшелері оқытады.

Қызылорда өңірінде дауыс беруші азаматтардың өз учаскесін анықтау үшін referendum.orda.kz сайты және 109 бірыңғай байланыс орталығы іске қосылды. Сондай-ақ, тізімге тіркелген әрбір дауыс беруші азаматқа шақыру қағаздары мен смс хабарламалар жіберілетін болады.