Студенттер қағаз басып шығаратын құрылғы құрастырды

28 шілде 2026, 11:00

1 509

Қарағанды техникалық университетінің студенттері қағаз басып шығаратын арнайы құрылғы құрастырды, - деп хабарлайды Opennews.kz ақпарат агенттігі.

Техника цифрландырылған жүйе арқылы құжатты қабылдап, қағаз бетіне бірнеше секундта шығарады. Студенттер үшін таптырмас жүйе 1 жыл бойы пысықталып, университет қабырғасында сынақтан өтті. Құрылғыны жасап шығару үшін жоба авторлары 4 миллион теңге көлемінде грант жеңіп алған. Қазір 3 құрылғы жұмыс істеп тұр. Бір жылға жуық уақыт ішінде 6000-нан аса адам пайдаланған. Соны техникаға Ресей мен Өзбекстан мамандары қызығушылық танытқан.

2024 жылы фильм қарап жатқан кезде осындай құрылғы бар екенін жалпы көрген болатынбыз. Одан кейін интернетті ақтарып шетелдерде бар екенін көріп, франшизасын алғымыз келді. Бірақ студентке ол өте қымбат болғандықтан осыны өзіміз жасап көрдік. Қазіргі таңда басқа университеттерге, басқа жерлерге көбейту бойынша жұмыстанып жатырмыз, дейді Жәнібек Құлжанов, жоба авторы.