Қазақстанда жаңа награда тағайындалуы мүмкін

ҚР Ұлттық экономика министрлігі үкіметтің "Қазақстан Республикасы Үкіметінің құрылымына кіретін кейбір мемлекеттік органдардың ведомстволық наградалары туралы" қаулысына толықтырулар әзірледі, - деп хабарлайды  Opennews.kz ақпарат агенттігі.

Атап айтқанда, "Ведомстволық наградалармен марапаттау негіздемелері" деген 3-бөлім "ЭКОНОМИКА САЛАСЫН ДАМЫТУҒА ҚОСҚАН ҮЛЕСІ ҮШІН" медалі мазмұндағы 27-4-тармақпен толықтырылды.

"ЭКОНОМИКА САЛАСЫН ДАМЫТУҒА ҚОСҚАН ҮЛЕСІ ҮШІН" медалімен қызметін мінсіз жүзеге асыратын және Қазақстан Республикасының экономикасын дамытуға және нығайтуға елеулі үлес қосқан, экономика саласындағы жаңа бағдарламалар мен жобаларды әзірлегені және іске асырғаны, экономиканы дамытуға бағытталған мемлекеттік бағдарламаларды және ұлттық жобаларды іске асыру әдістерін жетілдіргені үшін жоғары кәсіби қызметкерлер, шетел азаматтары және өзге де тұлғалар аса маңызды және күрделі міндеттерді орындағаны үшін, сондай-ақ қызметтік міндеттерін үлгілі орындағаны үшін марапатталады.

«ЭКОНОМИКА САЛАСЫН ДАМЫТУҒА ҚОСҚАН ҮЛЕСІ ҮШІН» медалі сары түсті жез металдан (латунь) диаметрі 34 мм шеңбер түрінде жасалады.

Медальдың беткі жағында шеңбердің ішінде «ЭКОНОМИКА САЛАСЫН ДАМЫТУҒА ҚОСҚАН ҮЛЕСІ ҮШІН» деген алтын түсті жазу орналасқан және ішкі жиегінде ұлттық ою бейнеленген.

Медаль мәтіні мен бейнелерінің бедері шығыңқы күңгірт.

Медальдың шеттері ернеумен жиектелген. Медальдағы барлық бейнелер мен жазулар бедерлі.

Медаль құлақша мен шығыршық арқылы көк түсті қатқыл лентамен қапталған, ені 32 мм және биіктігі 30 мм тікбұрышты тағанмен жалғанады.

Медальдың сыртқы жағында оның реттік нөмірі орналасады. Медальдың сыртқы жағы күңгірт.
Медаль киімге визорлы бекіткіші бар түйреуішпен бекітіледі.

Құжат 22 желтоқсанға дейін қоғам болып талқылау үшін Ашық НҚА сайтында жарияланды.