Ақтөбеде газ жарылысынан 2 адам зардап шекті
190
Ақтөбе облысы Темір ауданына қарасты Шұбарши ауылында жер үйде газ құрылғысы жарылып, екі адам ауруханаға түсті, - деп хабарлайды Opennews.kz ақпарат агенттігі.Облыстық ТЖД баспасөз қызметінің хабарлауынша, оқиға түнде сағат 2:37-де 8-наурыз көшесінде болған.
«Оқиға орнына жеткен кезде газ қазандығы жарылғаны белгілі болды. Бірақ өрт шықпаған. Жылыту қазандығы істен шыққан болуы мүмкін. Содан газ жиналып, әп сәтте жарылып, 84 шаршы метр болатын қабырға мен шатыры құлады. Зардап шеккен екі адам ауруханаға жеткізілді. Олардың жағдайы қалыпты», - делінген ТЖД хабарламасында.
