Мемлекет қаржысының 169 млн теңгесін айлығына жаратқан басшылық тергелуде

Геологиялық барлау жұмыстарымен айналысатын  "Қазгеология" компаниясының басшылығы мемлекеттік қаржыны айлықтар мен ақшалай бонустарға жұмсаған, деп хабарлайды Opennews.kz ақпарат агенттігі. 



Тергеп-тексеру жұмыстары басталғаны жөнінде антикор мәлімдеді. Дерекке сүйенсек, елдегі "Қазгеология" Ұлттық геологиялық барлау компаниясы" АҚ (мемлекеттің 100% қатысуы) басшылығы лауазымдық өкілеттіктерін асыра пайдаланған деген күдікке ілінді. Мекеме басшылығы директорлар кеңесінің тиісті шешімінсіз бекітілген жарғыны өрескел бұзған.

Басқарма Төрағасы, Төрағаның 3 орынбасары және бас геолог 2017-2019 жылдар кезеңінде бөлінген қаржыдан өз жалақыларын, бонустар мен материалдық көмекті екі есеге ұлғайтқан. Осылайша 2 жыл ішінде 169 миллион теңгеден аса қаржыны жаратып отыр, - делінген агенттік ақпаратында.

Әзірге тергеу жұмыстары жалғасуда.