Зейнетақы мөлшерін ұлғайтып бермек болған алаяқ 950 мың теңгені қалтасына басқан

Тараз қаласының Полиция басқармасына алаяқтық дерегі туралы облыс орталығының 60 жастағы тұрғыны шағымданды, деп хабарлайды Opennews.kz ақпарат агенттігі.



Азаматша ер адамның сеніміне кіріп, зейнетақы төлемдерін көбейтуге көмектесу сылтауымен оның 950 мың теңгесін алдап алып, иемденіп кеткенін хабарлады.

Алайда жәбірленушіге уәде етілген көмек те көрсетілмеген, ақшасы да қайтарылмаған.

Аталған дерек бойынша Қазақстан Республикасы Қылмыстық кодексінің 190-бабы 1-бөлігімен (Алаяқтық) сотқа дейінгі тергеу амалдары басталды. Жедел-іздестіру іс-шараларын жүргізу кезінде полиция қызметкерлері күдіктіні ұстады, - деп жазады Polisia.kz. 

Ол 38 жастағы жергілікті тұрғын болып шықты. Ұсталған азамат өз кінәсін толығымен мойындады.