"Антикордың қызметкерімін" деп өтірік айтқан жігіт ұсталды
216
Азамат жол жүру ережесін бұзып, жауапкершілікке тартылмау үшін полицейлерге өзін Сыбайлас жемқорлыққа қарсы қызметтің қызметкері ретінде таныстырған, деп хабарлайды "Opennews.kz" ақпарат агенттігі.
Кейін белгілі болғандай бұл 1987 жылы туған Ұлан Рай есімді азамат болып шықты. Ол құжаттарды тексеру барысында Мемлекеттік қызмет істері және сыбайлас жемқорлыққа қарсы іс-қимыл агенттігі департаменті қызметкерінің жалған куәлігін көрсеткен.
Қазір аталған азамат ұсталып, уақытша ұстау изоляторына қамалды. Тергеу жалғасып жатыр. Сыбайлас жемқорлыққа қарсы іс-қимыл агенттігі қызметтік куәліктерді қолдан жасаған адам Қылмыстық кодекстің 385-бабы бойынша жауапқа тартылатынына назар аударады.
