Екібастұзда ер адам шалбарын шешіп, балаларды видеоға түсіріп тұрған (видео)

Павлодар облысы Екібастұз қаласындағы "Жасыбай" спорт кешенінде өткен жарыс кезінде белгісіз ер адам шалбарын шешіп, балаларды видеоға түсіріп алған. Ол өзін журналистпін деп таныстырған,- деп хабарлайды "Opennews.kz" ақпарат агенттігі.

Ер адамның спорттық жарыстағы оғаш қылығы туралы желіде хабарланды. 

Павлодар облысының полиция департаменті оқиғаны растап, ер адамның жеке басы анықталып, оның психикалық ауытқуы бар екенін жеткізді.

"Жасыбай" спорт кешені әкімшілігінің сөзінше, турнир ашық өткен. Сол себепті кез келген адам келіп жарысты тамашалай алады. Ер адамды сыртынан қарағанда денсаулығы нашар көрінбеген. 

Оқиғадан кейін жаттықтырушылар ер адамды ғимараттан алып шығып, жарыстан шығуын өтінген. Ол өзін журналистпін деп таныстырып, олардан сұхбат алып жатқандай кейіп танытып, балалармен сөйлесуге тырысқан.

Кейбір әлеуметтік желі қолданушылары бұл адамның балалармен байланысқа шығу әрекеті бірінші рет емес екенін хабарлады.