Жөндеуден өткен жатақхананың тазалау жұмыстарына студенттерді мәжбүрлеген
240
![](/uploads/posts/2023-01/medium/1674804097_63d35950ed143901716255.jpg)
Студенттер университеттің басқа жатақханаларына барып, душ қабылдау үшін кезекте тұруға мәжбүр. Содан кейін олар жартылай дымқыл күйінде, өз жатақханаларына қарай жүгіреді, ал егер олар ауырып қалса не болмақ? Оған кім жауап береді? Студенттер туралы ешкім ойламайды, - деп шағымданды алматылық студент.
Әлеуметтік желіде шыққан видеодан студенттердің жатақхананы жуып тазалап жатқан сәттерін аңғаруға болады. Шағымданушының айтуынша, студенттерді ғимараттың ішін тазалауға заңсыз мәжбүрлеген.
Еліміздің заңнамасында мәжбүрлі еңбекке тыйым салынған емес пе? Заң бойынша студентке оқуға және жатақханада тұруға тиісті жағдай жасалу міндетті емес пе? Ғылым және жоғары білім министрінен университет басшылығының қызметіне назар аударып, олардың ісіне құқықтық баға беруін сұраймыз. Университеттің басқа да жүйелі мәселелері туралы білу үшін студенттер мен оқу орнының қызметкерлері арасында анонимді сауалнама жүргізуді сұраймыз, - делінген постта.
Аталған жайтқа оқу орнының баспасөз хатшысы «іс қаралып жатыр» деген жауаппен шектелген. Ал студенттерді жұмысқа жеккен жатақхана қызметкерлері ме, әлде университет басшылығы ма, әзірге белгісіз.