Депутат өз басылымын құрып, оны 6 жыл бюджет есебінен қаржыландырып келген

Мәслихат депутаты Аманжол Оңғарбаевқа тиесілі «СырМедиа» басылымы алты жылдан бері Қызылорда облысы әкімшілігінен бір көзден келісім жасау арқылы жұмыс істеп келеді, деп хабарлайды Opennews.kz ақпарат агенттігі Press.kz сайтына сілтеме жасап.



Қызылорда қаласы әкімінің аппараты сайлау туралы материалды жариялау үшін «СырМедиа» басылымымен Тікелей шарт жасасты. Басылым келісімшарт талаптарына сәйкес сайлау учаскелері туралы ақпаратты жариялап, тұрғылықты жері бойынша қай жерде дауыс беруге болатындығы туралы халықты хабардар етуі керек. Сатып алу сомасы – 1 млн теңгеден сәл артық.

Press басылымы аталған мәліметті «Путешествие по госзакупками» деп аталатын телеграм арнадан тапқан және одан әрі зерделеп көрген. Нәтижесінде шынымен де бір көзден жасалған келісім-шартты тапқан.



«Сыр медиа» ЖШС-нің Қызылорда қаласы әкімінің аппаратымен 1,1 миллион теңгеге ақпараттық материалдарды орналастыруға келісімшарты бар екені белгілі болды. Бұл ретте қатысушылар тізілімінде Қызылорда облысы мәслихатының депутаты Аманжол Оңғарбаев басылымның басшысы екені тікелей көрсетілген.

2016 жылдан бастап оның медиа компаниясы аудандық және қалалық әкімдіктермен, сондай-ақ мемлекеттік кәсіпорындармен негізінен бір көзден шарт жасасады. Мемлекеттік сатып алу порталының статистикасына сәйкес «Сыр-медиа»  ЖШС 4,7 миллиард теңгеге жуық келісімшарттарға қол қойған.