Қаз
Рус
"Жұрт коммуналдық қызметке төлеген ақшасы қайда кетіп жатқанын көріп отыруы тиіс" - президент
Тоқаев елдің тұрмысын жақсарту үшін алдағы уақытта жүзеге асуы тиіс тапсырмалар берілді, - деп хабарлайды "Opennews.kz" ақпарат агенттігі.
Мемлекет басшысы Қасым-Жомарт Тоқаевтың төрағалығымен еліміздің әлеуметтік-экономикалық дамуы туралы жиын өтті. Үкімет, Парламент, Президентке тікелей есеп беретін мекеме басшылары, әкімдер қатысқа жиында әлеуметтік мәселе талқыланды. Оның ішінде, жергілікті әкімдіктерге арыз-шағым толастамайтын коммуналдық сала да бар.
«Тарифті өсіруден түскен қосымша қаржы тек қана коммуналдық инфрақұрылымды жаңғыртуға жұмсалуы керек. Сондай-ақ жаңа қуат көздерін іске қосуға және жұмысшылардың жалақысын көтеруге бағытталуы қажет.
Монополистердің міндеттері мұқият нақтыланып, толығымен орындалуға тиіс. Сондықтан Үкіметке қаржының жұмсалуын бақылайтын қатаң амал-тәсілдер енгізуді тапсырамын. Оған цифрлық бақылау жүйесін де енгізу керек.
Жұрт коммуналдық қызмет үшін төлеген ақшасы қайда кетіп жатқанын көріп отыруы тиіс. Қазіргі заманғы ақпараттық технология бұған толық мүмкіндік береді», – деді Қасым-Жомарт Тоқаев.
