60 пайызға жуық қазақстандықтардың өз өміріне көңілдері толмайтыны белгілі болды

Ұлттық статистика бюросының халықтың өмір сүру сапасы туралы жүргізген сауалнамасы нәтижесінде ел тұрғындарының жартысынан көбі өз өміріне көңілі толмайтыны белгілі болды, - деп хабарлайды "Opennews.kz" ақпарат агенттігі.

Бюро мәліметінше, сауалнамаға қатысқан респонденттердің 41,8% ғана өздерінің өмір сүру сапасы көңілдерінен шығатынын айтқан. Олардың көбісі –  ауыл тұрғындары. Ауыл тұрғындарының 46,5% өмір сүру жағдайына көңілдері толса, қала тұрғындарының тек 39,6% күн көрісіне разы.

Респонденттердің айтуынша, олардың табыстары мардымсыз. Сауалнамаға қатысқандардың тек 1%-ы жоғары табыс тапса, 72,2%-ның кірісі орташа деңгейде.

Қазақстандағы ер адамдар әйелдерге қарағанда өз өмірлеріне риза. Ерлердің 45,4%, әйелдердің 39,5%-ы өмір сүру сапасын оң бағалаған.