Тағы да білім беру саласында бюджеттің 102 млн теңгесі жымқырылған

Білім беру саласында мемлекет қаржысын жымқыру тыйылмауда, - деп хабарлайды "Opennews.kz" ақпарат агенттігі.

Қарағанды облысының білім беру саласының қызметкерлері Сыбайлас жемқорлыққа қарсы іс-қимыл агенттігі басшысының қатысуымен тамыз кеңесін өткізді. Талдау жүргізілгеннен кейін жалпы сомасы 102 миллион теңге жымқырылғаны анықталды, оның 77 миллион теңгесі қайтарылды.

Ведомство бюджеттік процестерді, оның ішінде жергілікті деңгейде толық автоматтандыруды қамтамасыз ету қажет деп санайды. 

Соңғы үш жылда мемлекет білім беру жүйесін дамытуға 12,1 триллион теңге бөлгені атап өтілді. Бұл 2021-2023 жылдарға арналған мемлекеттік бюджеттің жалпы шығыстарының 28%-на тең.