"Атаулы әлеуметтік көмек алған 100,4 мың отбасы кедейлік жағдайынан шықты" - министрлік

Былтыр атаулы әлеуметтік көмек алған (АӘК) 100,4 мың отбасы мемлекеттік қолдау шараларының арқасында 2023 жылы кедейлік жағдайынан шықты,  - деп хабарлайды "Opennews.kz" ақпарат агенттігі еңбек және халықты әлеуметтік қорғау министрлігіне сілтеме жасап.

2022 жылы АӘК алушылар саны 141,5 мың отбасын (728,7 мың адам) құрады, осы жылдың 1 тамызында 102,7 мың отбасы (538,9 мың адам) атаулы әлеуметтік көмек алды.

Өңірлер арасында АӘК алушылардың ең көбі Түркістан облысында – 25,1 мың отбасы немесе 24,4%, Шымкент қаласында – 11,1 мың отбасы немесе 10,8%, Қызылорда облысында – 8,8 мың отбасы немесе 8,6%, Алматы облысында – 8,6 мың отбасы немесе 8,4%, Жамбыл облысында – 7,2 мың отбасы немесе 7%, Жетісу облысында – 6,2 мың отбасы немесе 6% тіркелген.