Жұмыспен қамту орталығының мамандары 370 млн теңгеден астам қаржы жымқырған

18 қыркүйек 2023, 09:20

1 827

Алматының Жұмыспен қамту орталығында ірі көлемде мемлекет қаржысы жымқырылған, - деп хабарлайды "Opennews.kz" ақпарат агенттігі.

Қала прокуратурасының мәліметінше, прокурорлар Жұмыспен қамту және әлеуметтік бағдарламалар басқармасына тексеру жүргізген. Оның қорытындысы бойынша «Еңбек» бағдарламасы арқылы халықты жұмыспен қамтамасыз етуге бюджеттен бөлінген қаражатты аса ірі мөлшерде жымқыру фактісі бойынша сотқа дейінгі тергеп-тексеру басталды.

Жұмыспен қамту орталығының мамандары азаматтарды жалған жұмысқа орналастыру, жалақыны жинау және жұмысқа орналастыруға жатпайтын адамдардың есепшоттарына ақша аудару арқылы жұмыс орындарын субсидиялауға бөлінген 370 млн теңгеден астам қаражатты жымқырды деген күдікке ілінді, – делінген прокуратура хабарламасында.

Қылмыстық істі арнайы прокурорлар тергеп жатыр.