Еліміздегі жасөспірімдер үйінің бірінде кезекші мұғалім 16 жастағы қызды зорлаған
1 655
Жасөспірімдер үйінде оқушылардың қауіпсіздігін қадағалауы тиіс кезекші мұғалім 16 жастағы қызды зорлаған, - деп хабарлайды "Opennews.kz" ақпарат агенттігі "NeMolchi.kz" қоғамдық қорына сілтеме жасап.
Жасөспірімдер үйінің нақты атауы айтылмаған. Бойжеткеннің айтуынша, сол күні ол досымен ұрсысып қалып, жылап келген. Мұны көрген мұғалім стрессті жеңілдету үшін оған сусын берген.
"Көшеден ол жаттығу залының есігін ашып, қызды кіргізіп, сол жерде зорлаған. Кейін түнгі кезекші мұғаліммен кездесуден қашқан қыз өзіне ешкімнің сенбейтінін түсініп, үнсіз қалған. Қызды жаттығу залына баруға тағы мәжбүрлеген кезде ол дәлел үшін дауыс жазғышты қосып барған", - делінген жазбада.
Қоғам белсенділерінің айтуынша, қыз кейін қолындағы дауыс жазғышқа жазылған барлық дәлелдерді алып полицияғ арыз жазғанымен, қылмыстық бөлімнің бастығы Омаров Дәулет бұл айғақтарды жоққа шығарған. Басылым 100% дәлелдің бар екенін, дыбыс жазу құрылғысында бәрі анық естілгенін жазады.
"Жазбада қыз мұғалімге “неге бұлай істейсің? Отбасың, әйел, бала-шағаң бар емес пе?" деген. Ал ол: “бізге де бір сергу керек қой", - деп жауап берген. Жазбада қыздың бірнеше рет "мен қаламаймын!" дегенін дауысы естілген. Қыз дәлел ретінде қандай да бір із қалдыру үшін оны тістеуге тырысқан. Ал мұғалім мұны түсініп, “сен мені ұстап беруді шештің бе? Телефоныңа жазып жатқан шығарсың" деп ары кеткен”, - деп келтіреді қор.
