Қаз
Рус
Ұлттық ұланның сарбазы өз басына оқ атып, мерт болды
1 213
ҚР Ұлттық ұланы 6636 әскери бөлімінің сарбазы басына оқ атып көз жұмды, - деп хабарлайды "Opennews.kz" ақпарат агенттігі.
Ұлттық ұланның баспасөз қызметінің мәліметінше, қайғылы оқиға 9 қазанда болған.
6636 әскери бөлімнің әскери қызметшісі қатардағы Қайсар Сұлтанов әскери қалашықты күзету жөніндегі кезекші бөлімшенің құрамына кірген.
"Сағат 01:20 шамасында штаб бойынша кезекші және бөлімше командирі қызметті тексеру кезінде қатардағы Сұлтановтың өз бекетінде басына оқ атып, жаралы жатқанын байқады. Жедел жәрдем жеткенше ол көз жұмды", – деп мәлімдеді ұлттық ұланның баспасөз қызметі.
Сондай-ақ оқиғаның мән-жайы анықталып жатқаны атап өтілді. Қызметтік тергеу жүргізілуде.
