60 жастағы еркек 7 жастағы ұлды зорлап, тік ішегін жыртып жіберген
1 683
Алматы облысы, Қарасай ауданы, Қошмамбет ауылында 60 жастағы еркек 7 жастағы ұлды зорлап, тік ішегін жыртып жіберген, - деп хабарлайды "Opennews.kz" ақпарат агенттігі.
Қазір бала ауруханада жатыр. Ата-аналардың айтуынша, бұған дейін де зорлық-зомбылық әрекеті болған, бірақ жергілікті тәртіп сақшылары ешқандай шара қолданбаған.
Полицияның хабарлауынша, 60 жастағы күдікті ұсталып, уақытша ұстау изоляторына қамалды.
"Аталған дерек ҚР Қылмыстық Кодексінің 121 бабының 4-бөлігі бойынша аудандық полицияда тіркелді. Жедел іздестіру іс-шаралары бойынша полиция қызметкерлері 1963 жылғы М. есімді күдікті азаматты анықтап, қолға түсірді. Күдікті уақытша ұстау изоляторына қамауға алынды. Қазіргі уақытта қылмыстық тергеуде оның толықтылығын, жан-жақтылығын және обьективтілігін қамтамасыз ету мақсатында сараптамалық тексерулер тағайындалып, барлық қажетті тергеу әрекеттері жасалуда. Өзге ақпарат ҚР Қылмыстық процессуалдық кодексінің 201 бабы шеңберінде жария етуге жатпайды", - делінген хабарламада.
