Қаз
Рус
2,6 млрд теңге бюджет қаражаты негізсіз жұмсалған – прокуратура
1 530
2 млрд теңгеден астам сомаға мемлекеттік сатып алуды жүзеге асырған,- деп хабарлайды "Opennews.kz" ақпарат агенттігі.
Ақтөбе облысында бюджет қаражатын жұмсауда мемлекеттік сатып алу туралы заңнама өрескел бұзылған, деп хабарлайды облыстық прокуратура.
Ақтөбе қаласы мен облыс аудандарының жергілікті атқарушы органдары біліктілік талаптарын бұза отырып, 2 млрд теңгеден астам сомаға мемлекеттік сатып алуды жүзеге асырған.
"Мысалы, құрылыс-монтаж жұмыстарын жүргізуге мемлекеттік сатып алу бойынша жобалау-сметалық құжаттамада көзделмеген жұмыстарға лицензия беру туралы талаптар негізсіз белгіленген. Ырғыз, Алға және Мәртөк аудандарының экономика және қаржы бөлімінің лауазымды адамдары жалпы сомасы 360 млн теңгеге ведомстволық сараптамадан өтпей, жолдарды жөндеу бойынша мемлекеттік сатып алуды жүргізді", - дейді ведомство.
Бір көзден 296 млн теңге мөлшерінде заңсыз шарттар жасаудың 18 фактісі анықталды.
"Прокурорлық қадағалау шараларының нәтижесінде бұл сатып алулар жойылды, нәтижесінде 2,6 млрд теңге сомасына бюджет қаражатының жұмсалуына жол берілмеді", - дейді облыстық прокуратура.
