Әйел туысының баласын 3-қабаттан лақтырып жіберді

Шымкентте 40 жастағы әйел бүлдіршінді 3-қабатта орналасқан пәтер терезесінен лақтырып жіберген. Деректерге сай қазір баланың жағдайы ауыр, - деп хабарлайды "Opennews.kz" ақпарат агенттігі.

Оқиға кешкі сағат тоғыздар шамасында Иляев көшесіндегі бір үйде болған. Көршілер мен куәгерлер дәрігерлерге сәбиді терезеден лақтырған әйел оның туысы екенін айтып берген. 40 жастағы әйел психикалық денсаулық орталығында есепте тұратындығы белгілі болды.

Оқиғадан кейін әйелдің психиатриялық ауруханаға жеткізілген.

Жантүршігерлік әрекетке не себеп болғаны және ата-анасының неліктен баласын психикалық аурумен ауыратын туысқанына қалдырғаны әлі күнге дейін белгісіз. Қазір полицейлер мән-жайды анықтау үстінде.